Maine Chand Aur Sitaro Kee Tamanna Kee Thee

(Maine chand aur sitaro kee tamanna kee thee
Mujhko rato kee siyahee key siva kuchh naa mila) - (2)
Maine chand sitaro

Mai woh nagma hu jise pyar kee mehfil naa milee
Woh musafir hu jise koyee bhee manjil naa milee
Jakhm paye hain baharo kee tamanna kee thee
Maine chand sitaro

Kisee gesu kisee aanchal kaa sahara bhee nahee
Raste me koyee dhundhala sa sitara bhee nahee
Meree najaro ne najaro kee tamanna kee thee
Maine chand sitaro

Meree raho se juda ho gai rahe unakee
Aaj badalee najar aatee hain nigahe unakee
Jisase iss dil ne saharo kee tamanna kee thee
Maine chand sitaro

Pyar manga toh sisakate huye arman mile
Chain chaha toh umadate huye tufan mile
Dubate dil ne kinaro kee tamanna kee thee
Maine chand sitaro

Dil me nakam ummido key basere paye
Roshanee lene ko nikla toh andhere paye
Rang aur nur key dharo kee tamanna kee thee
Maine chand aur sitaro

With All Lyrics Some Information Is required

• Writer / Poet - Sahir Ludhianvi
• Composer - Narayan Datta
• Singer - Mohammad Rafi
• Movie / Album - Chandrakanta

Welcome To Lyrics .Show