Yuun Nind Se Woh Jaan-E-Chaman

Singer: Not Applicable
Writer: Anand Bakshi
Composer: R D Burman
Movie/Album: Dard Ka Rishta (1982)

Yuun nind se woh jaan-e-chaman jaag uthi hai - (2)

 Pardes mein phir yaad-e-watan jaag uthi hai

 Yuun nind se woh jaan-e-chaman

 

 Phir yaad hamein aayein hain, saawan ke woh jhule - (2)

 Woh bhul gaye hamako unhein nahi bhule, unhein nahi bhule

 Iss dard ke kaanton ki chubhan jaag uthi hai

 Pardes mein phir yaad-e-watan jaag uthi hai

 

 Iss shehar se achchha tha bahot apana woh gaanv - (2)

 Panghat hai yahaan koyi na (pipal ki woh chhanv - (2)

 Pachchhim mein woh purab ki pawan jaag uthi hai

 Pardes mein phir yaad-e-watan jaag uthi hai

 Yuun nind se woh jaan-e-chaman

 

 Hum log sayaane sahi deewaane hai lekin

 Begaane bahot achchhe hai (begaane hai lekin -2)

 Begaano mein apano lagan jaag uthi hai

 Pardes mein phir yaad-e-watan jaag uthi hai

 Yuun nind se woh jaan-e-chaman jaag uthi hai