Sun Le Bapu Yeh Paigam

Sun le bapu yeh paigam, meree chitthi tere nam
Chitthi me sabse pehle, likhata tujhko ram ram
Likhata tujhko ram ram, sun le bapu yeh paigam.......

Kala dhan kala vyapar, rishwat kaa hai garam bajar
Satya ahinsa kare pukar tut gaya charkhe kaa tar
Tere anashan satyagrah ke badal gaye asali bartav
Ek nai vidya upaji jisko kehte hain gherav
Teree kathin tapasya kaa yeh kaisa nikla anjam

Prant prant se takarata hai maya par bhasha ki lat
Mai panjabi too bangali kaun kare bharat ki bat
Teree hindi ke panv me angreji naa dali dor
Teree lakdi thago ne thag li, teree bakari le gaye chor
Sabaramati sisakati teree tadap raha hai sevagram

Ram raj ki teree kalpana udi hawa me ban ke kapur
Bachcho ne padhana choda tod phod me hain magarur
Neta ho gaye dal badlu desh ki pagadi rahe uchhal
Tere put bigad gaye bapu daru bandi huyi halal
Tere rajghat par phir bhi phul chadhate subah sham

With All Lyrics Some Information Is required

• Writer / Poet - Not Applicable
• Composer - N Dutta
• Singer - Suman Kalyanpur
• Movie / Album - Baalak

Welcome To Lyrics .Show