Simatee Huyee Yeh Ghadiya

Simatee huyee yeh ghadiya, phir se naa bikhar jaye

Iss rat me jee ley ham, iss rat me mar jaye
Simatee huyee yeh ghadiya

Abb subah naa aa paye, aao yeh duwa mange

Iss rat key har pal se, rate hee ubhar jaye
Simatee huyee yeh ghadiya

Duniya kee nigahe abb, ham tak naa pahunch paye

Taro me base chalakar, dharatee me utar jaye
Simatee huyee yeh ghadiya

Halat key tiro se, chhalanee hain badan apne

Pas aao key sino key, kuchh jakhm toh bhar jaye
Simatee huyee yeh ghadiya

Aage bhee andhera hai, pichhe bhee andhera hai

Apnee hain wahee sanse, jo sath gujar jaye
Simatee huyee yeh ghadiya

Aa aa aa aa..... simatee huyee yeh ghadiya

Bichhadee huyee ruho kaa, yeh mel suhana hai
Iss mel kaa kuchh ehsan, jismo pe bhee kar jaye
Simatee huyee yeh ghadiya

Tarse huye jasbo ko abb aur naa tarasao
Tum shane pe sar rakh do, ham banh me bhar jaye

Simatee huyee yeh ghadiya, phir se naa bikhar jaye
Simatee huyee yeh ghadiya

Simatee huyee yeh ghadiya

With All Lyrics Some Information Is required

• Writer / Poet - Sahir Ludhianvi
• Composer - Khaiyyam
• Singer - Mohammad Rafi, Lata Mangeshkar
• Movie / Album - Chambal Ki Kasam

Welcome To Lyrics .Show