Karvatein Badalte Rahe Sari Rat Ham

Karvatein badalte rahe sari rat ham, aap ki kasam
Gham na karo din judaayi ke bahut hain kum, aap ki kasam

Yad tum aate rahe ek huk si uthti rahi
Nind mujhse, nind se main bhaagati chhupti rahi
Rat bhar bairan nigodi chandni chubhti rahi
Aag si jalti rahi girti rahi shabnam, aap ki kasam

Jheel si aankho mein aashiq dubke kho jayega
Julf ke saye mein dil arman bhara so jayega
Tum chale jao nahi to kuchh na kuchh ho jayega
Dagmaga jayenge aise hal mein kadam, aap ki kasam

Ruth jayen ham to tum hamko mana lena sanam
Dur hon to pas hamko tum bula lena sanam
Kuchh gila ho to gale hamko laga lena sanam
Toot na jaye kabhi yeh pyar ki kasam, aap ki kasam

With All Lyrics Some Information Is required

• Writer / Poet - Anand Bakshi
• Composer - R D Burman
• Singer - Lata Mangeshkar, Kishore Kumar
• Movie / Album - Aap Ki Kasam

Welcome To Lyrics .Show